Mbas ndalimit nga Policia e Vlorës, nën akuzën e blerjes së votave të Fredi Belerit, kandidat i koalicionit Bashkë Fitojmë për Bashkinë e Himarës, ka reaguar Ministria e Jashtme greke.
Para pak minutash, Ministria e Jashtme greke njoftoi se me urdhër të ministrit të Jashtëm grek Nikos Dendias, ambasadorja greke në Tiranë Kostandina Kamici, do të dorëzojnë në ministrinë e jashtme shqiptare një shqetësim mbi shoqërimin e Belerit.
Kandidati i koalicionit ‘Bashkë Fitojmë’, Beleri, është arrestuar me akuzën e shit blerjes se votave në restorantin e tij në Himarë dhe është shoqëruar në ambientet Drejtorisë se Policisë në Vlorë rreth orës 00:15.
Bashkë me të në polici u shoqërua dhe avokati, një anëtar i shtabit si dhe një qytetar i rastësishëm,. Edhe mediat greke kanë hedhur akuza se shoqërimi i Belerit është me natyrë politike, për shkak të akuzave të vazhdueshme që në ditët e fundit kryeministri Edi Rama ka bërë ndaj tij.
Nxehen gjakrat/ 3 ditë përpara zgjedhjeve, arrestohet kandidati i ‘Bashkë Fitojmë’ Fredi Beleri
