Këngëtari kosovar Meda, i cili gjendet prej disa ditësh për pushime në Amerikë, ka përfituar nga rasti për të takuar presidentin amerikan Barack Obama.
Nuk dihet sesi është arritur të bëhet ky takim midis këngëtarit shqiptar dhe presidentit amerikan.
Meda ka publikuar një foto në profilin e tij në Instagram, ku së bashku me familjen shihet teksa pozon përkrah çiftit Obama në zyrën ovale të Shtëpisë së Bardhë.
Por po të vëresh me vëmendje, arrin të kuptosh se nuk bëhet fjalë për presidentin e vërtetë Obama. Pasi midis tyre paraqiten disa ndryshime. Edhe fansat e këngëtarit e kanë vënë re këtë dhe kanë komentuar që kjo “nuk është foto e vërtetë”.
Nëse bëhet fjalë për fotoshop, apo për një sozi të Obamës, kjo ngelet për t’u zbuluar. (K.P/Shuplaka)
Discussion about this post