Një dhëndër ka vendosur të shfrytëzojë dasmën e tij për t’i nxjerrë të “palarat” nuses së tij. Në dijeni se kjo e fundit e kishte tradhtuar, dhëndri ka nxjerrë videon e tradhtisë në mes të ceremonisë së martesës.
Dasma u zhvillua javën e kaluar në provincën e Fujian në Kinën juglindore. Në fillim, shfaqen video që tregojnë momente nga lidhja e të dashuruarve dhe nga fëmijëria e tyre, por pak sekonda më vonë në projektor nis të luhet videoja ku duket nusja duke kryer marrëdhënie seksuale me dikë tjetër.
Pas kësaj, dhëndri akuzon nusen dhe i drejtohet me fjalët: “Mendove se nuk e dija?”, ndërsa nusja i hedh buqetën me lule. Sipas një blogereje kineze, Jiang Zhe Hu Ba Jie, nusja ka tradhtuar të fejuarin pasi ky i fundit ushtronte dhunë ndaj saj.
Blogerja ka shtuar se nusja kishte pranuar të martohej pasi dhëndri i kishte premntuar t’i blinte një apartament dhe një makinë.
(M. I./ Faxweb.al)
