Pak ditë pas kryeministrit Edi Rama, sot ishte rradha e kryeparlamentarit Ilir Meta të organizonte pritjen e fundvitit me gazetarët.
Siç shihet edhe në fotot e mëposhtme, në pritjen e Metës kanë marrë pjesë shumë gazetarë, mes të cilëve edhe emra të njohur të ekranit dhe shtypit të shkruar, të cilët nuk u panë në pritjen e para pak ditëve në kryeministri.
Këtu spikasin Blendi Fevziu, Artur Zheji, Ylli Rakipi, Armand Shkulaku, Nikoll Lesi, dyshja e “Stop” Saimir Kodra e Gentian Zeneli si dhe Roland Qafoku.
Nuk e dimë nëse mungesa e tyre në festën e Ramës lidhet me mungesën e ftesës, angazhimeve të tjera apo qefmbetjeve dhe qëndrimeve të kundërta me kreun e qeverisë.
Muajt e fundit kryeministri Rama e ka ashpërsuar gjuhën me mediat duke i quajtur shumë prej tyre “media kazani”, sjellje këto që kanë sjellë disa herë reagimin e gazetarëve.
Apo kjo vjen për shkakun se kryetari i Kuvendit dhe LSI-së, Ilir Meta “e ka mirë” me të gjithë?…
Në takimin me kryeministrin gazetarët nuk u lejuan të mbanin celularë me vete apo të filmonin, çka bëri që të ketë shumë pak foto nga kjo pritje. Ndryshe ndodhi sot në pritjen e kryeparlamentarit, ku këshilltari i tij, Emiliano Aleksi postoi shumë fotografi në rrjetet sociale. (A.R/SHUPLAKA)
[ngg_images source=”galleries” container_ids=”310″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post