Pas Elbasanit, presidenti i vendit Ilir Meta është ndalur në Shijak, për të ndjekur nga afër procesin e votimit në këtë qytet, që është pjesë e qarkut të Durrësit.
Meta tha se dy këshilltarët e tij për çështjet e sigurisë do të qendrojnë në Shijak, për të monitoruar nga afër procesin, dhe për të shmangur çdo incident mes palëve. Sa i takon pjesëmarrjes në zgjedhje, presidenti tha se ajo është tregues se shqiptarët janë bërë të përgjegjshëm dhe po marrin në dorë fatet e tyre.
Meta:
Shijaku është popull me tradita, ftoj të gjithë qytetarët e Shijakut që të ruajnë qetësinë, me mirëkuptim edhe të zbardhin faqen e Shijakut dhe të gjithë Shqipërisë përpara Europës. Me qetësi, zoti Spiro dhe Genci janë këshilltarët tanë të sigurisë kombëtare, këtu jam unë, këtu më keni vazhdimisht, hajde me qetësi dhe pa probleme. Të gjithë të bëjnë punën e tyre, sipas bindjes së tyre, hajde respekte me qetësi.
(E.K/Faxweb.al)
Discussion about this post