Ditën e sotme kirurgu i njohur Ortoped i Spitalit të Traumës në Tiranë Arben Runa ka humbur betejën me sëmundjen e rëndë në mushkëri .
Runa u nda nga jeta në moshën 57-vjeçare, baba i dy fëmijëve dhe mjeku i njohur i ortopedisë. Lajmi për ndarjen nga jeta të 57-vjeçarit e ka bërë Mero Baze, i cili ka njoftuar ndarjen nga jeta e mikut të tij. Vitin e kaluar qeveria shqiptare ka akorduar dhe një fond për kurimin e mjekut, po mesa duket përpjekjet rezultuan të kota.
“Sot ne mengjes Dr. Beni nuk u zgjua me, duke humbur nje beteje dyvjecare me semundjen e tij ne mushkeri. Mua do me mungoj nje nga miqte me te cmuar ne jete, nje mjek i talentuar, nje poet dhe rrefimtar i rralle dhe nje njeri i mencur qe diti ta bej sic donte jeten e tij.
Arben Runa u diplomua per kirurg traumatolog dhe sherbeu deri ne fund si kirurg prane Spitalit ushtarak. Ai kishte po ashtu plot pasione per letersine dhe eshte autor i disa cikleve te arrira poetike tregimeve dhe reportazheve botuar ne vitet 90. Ada dhe dy femijet e tij shpresoj te gjejne force ta perballojne ndarjen ne te. Varrimi behet neser ne oren 10 ne Tufine”, shkruan Mero Baze në Facebook.
Më tej ka qenë të shumta komentet edhe në rrjetet sociale, pasi çdokush që ka pasur një kontakt në spitalin ushtarak njëherë e ka hasur të paktën njëherë mjekun Runa.
(E.K/FAXWEB)
Discussion about this post