Miroslav Lajçak, ministri i Jashtëm i Sllovakisë, që drejton Presidencën e Bashkimit Evropian, ka shkruar se retorika e ashpër nga e kaluara që po përdoret aktualisht në Ballkanin Perëndimor, nuk i zgjidh problemet, shkruhet në faqen e European Western Balkans.
Ai ka shkrur për gazetën serbe “Danas” se edhe pse Bashkimi Europian ka një vizion të qartë të rrugës për Ballkanin Perëndimor, ekziston ende “nacionalizmi i rrënjosur thellë” si dhe “thirrjet për shtete etnikisht të pastra dhe bashkimin e kombit në një flamur të përbashkët me shqiponjën dy krenare mund të shihet si apel ndaj BE-së që të pranojë me më vendosmëri rolin e arbitrit”.
Lajçak ka shkruar se BE-ja dëshiron të besojë në përpjekjet e qeverive të rajonit për të pëmbushur kushtet që janë të nevojshme për pranimin në Union, por tani ekziston një situatë, e cila mund të kuptohet ndryshe si shantazh.
Retorika e fundit e Hashim Thaçit, president i Kosovës dhe i Edi Ramës, kryeministër i Shqipërisë, sipas tij megjithëse alarmuese, është rezultat i bindjes së krijuar në Ballkanin Perëndimor për rolin tonë të pazëvendësueshëm në zgjidhjen e problemeve dhe më pas, me lënien e rajonit për t’ia dalë vetë.
Ai tha po ashtu se zgjidhja e këtij problemi nuk është pranimi i Ballkanit Perëndimor në BE, por në “një punë më aktive me këto shtete” që do të çonte në krijimin e një trupe të specializuar të BE-së që mund të merrej me Ballkanin Perëndimor, të ngjashme me misionin MMF.
Rama kishte thënë më herët se nëse BE vonon integrimin e dy shteteve shqiptare do të krijohej mundësia për një bashkim të Shqipërisë me Kosovën. (M.D/ Shuplaka)
Discussion about this post