Ministri italian Marco Minniti ka qenë i qartë në fjalën e tij sot në ”Pallatin e Kongreseve”. Ai ka thënë se Shqipëria duhet të luftojë të paprekshmit.
Po ashtu Minniti ka treguar tre sfidat me të cilat vendi duhet të përballet që janë: e para ajo kundër trafikut të lëndëve narkotike, e dyta kundër migrimit të paligjshëm dhe e treta është ajo kundër terrorizmit.
Ministri italian ka përgëzuar bashkëpunimin mes dy vendeve, po theksoi se rezultatet e operacioneve duken në kohë të gjata, dhe se lufta duhet të vijojë.
FJALA E MINNITIT:
Më lejoni në rradhë të parë të shpreh përgëzimet e mija për kolegun tim, mninistrin e Brendshëm shqiptar që ka organizuar këtë takim kaq të rëndësishëm, që shënon bashkëpunimin mes dy vendeve.
Është një marrëdhënie që ka lindur para shumë vitesh dhe janë bërë përherë e më shumë hapa përpara dhe shënon përmirësim edhe në kuadër të krimit të organizuar. Kemi pasur një bashkëpunim të plotë që ka çuar në rezultate mjaft të mira. Unë falenderoj edhe ofircerët e Guarda Di Finanza. Më lejoni të them dy gjëra që operacionet e rëndëishme duken në kohë, dhe dua që ta çojmë përpara edhe në vitet e ardhshme.
Dhe së dyti duhet të çojmë përpara misionin për një objektiv strategjik kundër krimit të organizuar edhe për këtë do të keni bashkëpunim të plotë. Ne duhet të godasim të paprekshmit sepse në Europë në Itali nuk ka të paprekshëm, ky është një objektiv shumë i rëndësishëm dhe për këtë duhet që të bashkëpunojmë së bashku.
Dua të falenderoj këtu të gjithë ambasdorët që janë të pranishëm që pme praninë e tyre e kanë bërë edhe më të plotë bashkëpunimin. Këtu në Ballkan luhet një lojë shumë e rëndësishme me tre sfida: e para ajo kundër trafikut të lëndëve narkotike, e dyta kundër migrimit të paligjshëm dhe e treta është ajo kundër terrorizmit.
Duke iu falenderuar shumë të gjithëve ju më lejoni që t’iu bëj edhe një vërejtje me karakter personal. Nuk është hera e parë që vij në Shqipëri, shoh që ata që kam përballë kanë qenë atëherë në shkollë, dhe kjo është e jashtëzakonshme për ndryshimin që ka përjetuar ky vend, me sinqeritet të plotë kur erdha nga aeroporti shoh që Tirana ka ndryshuar shumë.
Ka ndryshuar sigurisht për më mirë, po ka ende probleme gjigande për t’u zgjidhur po sidoqoftë ju duhet të bëni akoma më shumë punë. Shqipëria ka qenë shumë më mirë se ç’ka qenë më parë.
(E.K/SHUPLAKA)
