Ministria e Niko Peleshit 80 milionë lekë për bileta jashtë vendit (DETAJET)

Që shtetarët tanë udhëtojnë shumë jashtë vendit, kjo tashmë dihet. Por ama 80 milionë lekë në njëvit tingëllojnë pak si shumë për vetëm një ministri.

Kështu së fundi, Ministria e Bujqësisë e drejtuar nga Niko Peleshi ka shpallur një tender për blerje biletash për vitin 2018-të dhe tremujorin e parë të 2019-tës me fond limit 80 milionë lekë të vjetra.

Jo keq, edhe në fushën e Bujqësisë shkëmbimi i eksperiencave me jashtë mbetet i domosdoshëm. 

DETAJET NGA TENDERI I SHPALLUR:

1. Emri dhe adresa e autoritetit kontraktor

Emri: Ministria e Bujqësisë dhe Zhvillimit Rural

Adresa: Bulevardi “Deshmoret e Kombit”, nr.2, Tiranë

2. Lloji i procedurës se prokurimit: Marrëveshje Kuadër, Kërkesë për Propozim me mjete elektronike
3. Objekti i kontratës/marrëveshjes kuadër “Blerje bileta të transportit ajror ndërkombëtar për Ministrinë e Bujqësisë dhe Zhvillimit Rural për vitin 2018 dhe periudhën Janar – Mars 2019”
4. Fondi limit 8,000,000 (tetë milion) lekë pa TVSH
5. Kohëzgjatja e kontratës ose afati kohor për ekzekutimin: Nga momenti i nënshkrimit të marrëveshjes kuadër deri më datë 31.03.2019.

6- Afati kohor për dorëzimin e ofertave ose kërkesave për pjesëmarrje: 09.01.2018, ora 09.00.

7- Afati kohor për hapjen e ofertave ose kërkesave për pjesëmarrje: 09.01.2018, ora 09.00.

(E.K/FAXWEB)