Në Lezhë janë hapur dyert e mortit në familjen e dy motrave Frroku që u vranë në Zvicër nga 48-vjeçari. Trupat e pajetë të dy motrave Frroku, të Almës dhe Edlirës kanë mbërritur në atdhe mëngjesin e sotëm dhe lamtumia e fundit do iu jepet ditën e enjte me 18 janar në orën 11: 00.
Besmir Frroku djali i xhaxhait të viktimave ka ngritur supet teksa u pyet përse ndodhi krimi. Ai ka thënë se nuk ishin në dijeni të ndonjë konflikti që të kishte përmasa të tilla, pasi edhe ai vetë kishte qënë në Zvicër dhe nuk kishte konstatuar asnjë problem që mund të kishin ata si çift në familje. Ai shprehet më tej se nuk di t’i verë asnjë as emër e as shpjegim asaj që ka ndodhur.
“Familja jonë ka shprehur vendimin e arsyeshëm për t’ia lënë drejtësisë dhe zotit për të gjykuar mbi autorin dhe sigurisht ne nuk kemi qenë dhe nuk jemi për hakmarrje.”, u shpreh ai. Dyshimet paraprake janë përqendruar në pistën se 54-vjeçari nga Kosova ka ngacmuar motrën e së shoqes. (J.V/Faxweb)
