Një 42-vjeçar ka humbur jetën në spitalin e Prrenjasit pas dhimbjeve në kraharor me të cilat u paraqit në urgjencë. Familjarët e Isuf Gegës janë të paqartë për shkaqet e vdekjes pasi mjeku ligjor ka lëshuar dy certifikata të ndryshme vdekjeje mbi shkaqet, ndërkohë që spitali ka mungesë të mjekut kardiolog.
Isuf Gega i datëlindjes 16.06.1977 lindur dhe banues ne Fshatin Rrajce u paraqit ne Urgjencën e Spitalit Prrenjas në orën 23.50 minuta të datës 11.09.2019 me dhimbje në zonën pranë zemrës dhe vështirësi në frymëmarrje.
Pavarësisht ndërhyrjes së mjekut dhe infermierëve për ta shpetur Gega ka ndërruar jetë rreth ores 00:15 të datës 12.09.2019 në ambientet e Spitalit Prrenjas.
Në orën 2:45 me autoambulancë është shoqëruar sipas rregullave në morgun e Elbasanit.
Deri në këto momente familjarët akoma janë të paqartë për arsyen e vdekjes së tij pasi deri mëtani i njëjti mjek ligjor Altin Kenuti më datë 13.09.2019 ka lëshuar dy certifikata vdekje “Skedë Vdekje” të ndryshme duke shkaktuar konfuzion.
Kenuti në njërën prej certifikatave ka shënuar banesën si vendin ku ka ndërruar jetë Gega.
Familjarët akoma janë duke pritur të dalë një eksperize mjeko ligjore më e detajuar për të mësuar arsyen e vdekjes së Isuf Geges.
Mjeku Sami Agolli ka shprehur ngushëllimet e tij për familjen Gega, dhe u shpreh se bëri maksimumin bashkë me stafin për ti shpëtur jetën por fatkeqësisht Spitali i Prrenjasit nuk ka një mjek kardiolog i cili ishte i nevojshëm në këtë rast.
Pas vitit 90′ Spitalit të Prrenjasit i është reduktuar personeli mjekësore pavarësisht se ky spital u shërben 45 mijë banorëve të Prrenjasit dhe banorë të zonës se Mokërr rreth 12 mijë banorevë.
Discussion about this post