Një rast i murtajës së bagëtive është konfirmuar së fundmi në Shqipëri, duke ngritur shqetësime për përhapjen e sëmundjes në zonat kufitare me Kosovën. Agjencia e Ushqimit dhe Veterinarisë (AUV) ka lëshuar një apel për kujdes të shtuar ndaj fermerëve dhe institucioneve përkatëse, veçanërisht në rajonet që kufizohen me Shqipërinë.
Sipas njoftimeve zyrtare, janë marrë masa të menjëhershme për izolimin e rastit dhe dezinfektimin e zonës. Agjencia shqiptare ka nisur një fushatë monitorimi intensiv në bashkëpunim me autoritetet vendore dhe ka kërkuar vigjilencë maksimale nga të gjithë blegtorët dhe personat që merren me transportin apo tregtinë e kafshëve.
Fermerët këshillohen të raportojnë menjëherë çdo shenjë të sëmundjes apo vdekje të papritur të kafshëve dhe të shmangin lëvizjen e tyre jashtë fermave pa autorizim veterinar.
Autoritetet në Kosovë janë njoftuar dhe kanë filluar procedurat parandaluese në zonat përreth kufirit./MONITOR
