Ambasadori i Republikës së Iranit, Ali Amoui, flet për largimin e muxhahedinëve nga Shqipëria si edhe për marrëdhëniet mes dy vendeve.
Në një intervistë për Vincent Triest, i pyetur për vendimin e iranianëve që janë larguar nga Shqipëria, ambasadori u shpreh se kthimi i tyre është bërë në mënyrë të vullnetshme.
“Nuk ka asnjë arsye që iranianët të mos duan të kthehen në vendin e tyre. Deri më tani disa janë kthyer në Iran dhe disa të tjerë janë në pritje dhe kanë dëshirë të kthehen në gjirin e familjes së tyre. Mendoj se arsyeja e kthimit të këtyre personave në Iran, është se në mënyrë të sinqertë janë penduar për të kaluarën e tyre dhe nuk duan të vazhdojnë të bëjnë më jetën e kaluar. Duan të krijojnë lidhje me botën e lirë, dhe secili ka të drejtën të zgjedhë mënyrën e tij të jetesës dhe të ardhmen e tyre.
Si ambasadë e Republikës Islamike të Iranit, kemi një mission të përcaktuar, kemi detyrimin të ofrojmë shërbimin konsullor për bashkëatdhetarët tanë. Personat që janë kthyer, janë paraqitur në mënyrë krejtësisht të vullnetshme. E vetmja gjë që kemi bërë, është që ta paraqesim këto kërkesa në Teheran.
Është mirë të dini, se në këtë grup personash që janë zhvendosur nga Iraku në Shqipëri, është se ka prej tyre që kanë jetuar për tre dekada ose për vite me radhë të izoluar, që nga koha kur ishin në Irak e në të njëjtat kushte jetojnë edhe në Shqipëri.”, shprehet ambasadori Iranian.
Ndër të tjera, ambasadori Amoui ka folur edhe për marrëdhëniet mes dy vendeve, të cilat sipas tij kanë ardhur duke u zgjedhuar.
“Marrëdhëniet tona me shqipërinë, megjithëse ky shtet i nderuar nuk ka akoma një ambasadë në Iran, vijnë duke u zgjeruar. Ne jemi duke bërë përpjekjet tona më të mira për të forcuar marrdhëniet dy palëshe. Unë jam në lidhje të vazhdueshme me institucionet shqiptare. Në fushën e kulturës dhe të ekonomisë dhe kemi bërë plane për të ardhmen.
Ministri i Jashtëm shqiptar Ditmir Bushati, të cilit i jam mirënjohës, bëri një vizitë historike në Iran, së bashku ne jemi duke punuar për të forcuar lidhjet mes dy vendeve. Shpresoj që në një të ardhme të afërt të hapet edhe nëj ambasadë në Iran.”, deklaroi ambasadori.
Kujtojmë se Shqipëria është vendi kryesor në botë ku po strehohen anëtarët e organizatës Muxhahedinët Popullorë të Iranit (MEK), e cila deri pak vitesh konsiderohej organizatë terroriste nga shumica e vendeve perëndimore. (D.D/Shuplaka)
https://www.youtube.com/watch?v=GX7UvsLB7yQ&feature=youtu.be
