Çfarë mendon një besimtar mysliman për dënimin e imamëve të vetëshpallur në Shqipëri për terrorizëm? Po për ISIS-in?
Myslimani shqiptar mendon se Shteti Islamik është krijuar nga Amerika. Shahin Skënderi, nga Dibra, i cili s’e ka problem të japë mendimin e tij, thotë se ISIS-i është ndërtuar nga vetë SHBA-të, për të shuar hesapet e saj, ose kundër Asadit. Sipas tij, kjo gjendje ka dalë nga kontrolli dhe ISIS-i i duhet Amerikës, derisa të ketë nevojë e më pas do e heqë vetë Amerika.
Në lidhje me dënimin që u dha për besimtarët mysliman, të cilët mendohet të jenë pjesë e ISIS-it, ai përgjigjet se nuk i intereson kjo çështje por këmbëngul që ISIS-i është krijuar nga Amerika.
”ISIS është krijuar nga vetë Amerika mo burrë. Kerry e ka thënë me zë dhe figurë, e montum ISIS-in kundër Asadit. Edhe ISIS-i u ka dalë nga kontrolli. Tashi ISIS-i u duhet atyre Amerikës, deri kur t’u duhet. E kanë vu vetë, e heqin vetë”, thotë Skënderi.
Besimtari nuk dëshiron të komentojë me detaje dënimin e grupit të imamëve të vetëshpallur në Shqipëri, duke thënë se nuk ka rëndësi dhe duke shtuar: ”Po ç’rëndësi ka, nuk merrem me dënimin unë. Rëndësi ka që ISIS-i është montuar nga vetë Amerika”.
”Ku e di unë se çfarë programi kanë dhe kujt i shërbehen këto punë”, ka përfunduar rrëfimin e tij për imamët besimtari./SHUPLAKA
