Artisti veteran i dubstep-it Cookie Monsta ka ndërruar jetë në moshën 31 vjeçare. Lajmi për ndarjen nga jeta në mënyrë të parakohshme të artisti, e bëri publik shtëpija diskografike “Circus Records”, përmes një postimi në Twitter.
“Toni Cook i dashur ynë (aka Cookie Monsta) na ka lënë,”thuhet në deklaratë. “Ne jemi të shkatërruar, asnjë fjalë nuk mund të përshkruajë dhimbjen tonë në një ditë të tillë. Të gjitha mendimet tona shkojnë te familja, miqtë e Tonit dhe zemra jonë shkon veçanërisht tek djali i Tonit Olly, Mini Monsta. Botën do ta marrë malli për ty Cookie, ne do na mungjë vellai “.- shkruhet në postimin në Twitter të Circus Records.
Shkaku i vdekjes së artistit në moshën 31-vjeçare nuk është bërë ende publik.
