Një ditë më parë ish deputetja e PD-se, Majlinda Bregu njoftoi për ndarjen nga jeta të vjehrrit të saj, Beqir Ajazit.
Ndërsa ditën e sotme ish-kryeministri Berisha e kujton atë si princin e kujtimeve letrare të vendit, duke numëruar dhe konsiderata e vleresime të shumta për të.
“Beqir Ajazi, princi i kujtimeve i letrave tona mbylli syte pergjithmone!
Te dashur miq, Beqir Ajazi, njeri nga shkrimtaret tane me te shquar mbylli syte pergjithmone. Ai ishte nje deshmitar i pamposhtur por dhe nje zedhenes i pavdekshem i te vertetave shqiptare ne teresi, dhe ne veçanti i kalvarit te burgjeve dhe kampeve te shfarrosjes se diktatures hoxhiste, ne te cilat ai, si kundershtar i saj kaloi dekada te jetes se tij.
Princ i kujtimeve ne letrat shqipe, Beqir Ajazi ka lene disa kryevepra te pavdekshme te kesaj gjinie kushtuar dhimbjeve, sakrifices, qendreses, virtytit, shpirtit te pamposhtur te njerezve real per vlerat dhe parimet qe beson, por edhe barbarive, primitivizmit, urrejtjes shtazore, torturave qe shqiptare me pushtet terrorist, xhahil e kriminele ushtruan ndaj tij dhe dhjetra e qindra mijra shqiptareve te pafajshem, elite e kombit, njerez te thjeshte, atdhetare te flakt, femije, gra, vajza, djem, nena, baballare per 46 vite me rradhe ne kasaphanen e luftes se klasave te diktatures hoxhiste.
Ky burre i shquar rrnoi per te na treguar!
Mirenjohje te pakufishme ndaj tij!
Duke shprehur ngushillimet me te sinqerta familjes se tij per largimin nga jeta e njeriut te tyre te dashur, le te lutemi ne te dashur miq, qe shpirti i te ndjerit Beqir Ajazi te gjej paqen e merituar!”, shkruan Berisha.
(S.SH/Shuplaka)
