Të gjitha shërbimet në portin e Durrësit janë pezulluar për më shumë se pesë orë, kjo për shkak të një defekti në rrjetin qëndror të furnizmit me energji elektrike.
Asnjë nga agjencitë doganore nuk kanë mundur t’u shërbejnë qytetarëve dhe drejtuesve të automjeteve.
Këta të fundit kanë pritur në radhë për orë të tëra, për të kryer ç’doganimin e mallrave dhe të mjeteve që ishin futur në port prej orëve të mëngjesit.
Operatori i Shpërndarjes së Energjisë Elektrike në vend (OSHEE), ka ngritur një grup specialistësh që merren me mirëmbajtjen e energjisë elektrike.
Sipas OSHEE, ata kanë punuar për orë të tëra derisa kanë arritur ta rregullojnë defektin e pësuar.
Por pavarësisht se energjia elektrike u rikthye, kjo nuk mund ta kthejë më pas kohën e humbur e qytetarëve. (D.D/Shuplaka)
