Mesfushori i Arsenalit, Granit Xhaka, ka reaguar pas incidentit me tifozët në ndeshjen ndaj Crystal Palace. Ai ka ndryshuar foton e profilit në Instagram duke larguar nga profili një pozë të tij me fanellën e shiritin e kapitenit të Arsenalit dhe ka vendosur një foto si kapiten i Zvicrës.
Krisja mes tij dhe tifozëve tashmë është evidente dhe përfundimtare. Kapiteni i Arsenalit reagoi keq në sfidën ndaj Crystal Palace, pasi ishte i tejngopur me kritikat e shumta drejt tij.
Merkatoja e janarit është afër dhe Xhaka mund të kërkojë një largim nga Anglia. Ai nuk është aspak i lumtur me “Topçinjtë” dhe sjellja e tij i ka vendosur kapak gjithçkaje.
