Në pikun e sezonit turistik, plazhet shqiptare duken të boshatisura nga pushuesit. I tillë duket edhe plazhi i Durrësit, mes zonës së Shkëmbit të Kavajës dhe Golemit.
Nga një vëzhgim i kamerave të Fax News, duket që shezllonet janë bosh dhe pushuesit janë në një numër të pakët edhe pse data është 6 gusht dhe pjesa më e madhe e njerëzve janë me pushime.
Braktisja e plazheve ka ardhur nga pushuesit për një serë arsyesh, siç janë çmimet e shtrenjta, apo ndotja e plazheve. Derdhja e ujërave të zeza në det, duke shkaktuar infeksione të ndryshme tek pushuesit, i ka bërë që të largohen.
“Nëse para disa vitesh Durrësi u tejmbush me emra biznesesh të qyteteve të Kosovës apo Maqedonisë për të tërhequr pushuesit patriotikë të këtyre zonave, këtë vit në pikun e sezonit turistik duket se kjo taktikë nuk vlen. Shqiptarët e Kosovës dhe Maqedonisë janë larguar nga bregdeti Adriatik.
Këtë vit ka pushues të huaj, polakë, hungarezë, boshnjakë, por plazhi i Durrësit ka shumë pak shqiptarë të matanë kufijve. Rënia është me 30-40% të pushueve të Kosovës, Maqedonisë. Në krahasim me vjet është shumë poshtë turizmi, si për kosovarë si për shtetas të huaj”, raporton korrespondenti i Fax News Ermal Hallaçi.
(E.V/Faxweb.al)
https://youtu.be/a2PDMXf93T0
Discussion about this post