Presidenti i zgjedhur amerikan Donald Trump u mirëprit me ngrohtësi teksa festoi fitoren e tij zgjedhore, duke parë një ndeshje në Kampionatin Ultimate Fighting (UFC) në Nju Jork së bashku me Elon Musk dhe disa prej anëtarëve të kabinetit të tij.
Trump hyri në arenë me muzikë të lartë dhe brohoritje nga turma e UFC 309 në Maddison Square Garden. Ai e kaloi pjesën më të madhe të natës i ulur mes Presidentit të UFC, Dana Uhite dhe CEO-n e Tesla-s, Musk.
Dy nga zgjedhjet kryesore të kabinetit të Trump, Robert F Kennedy Jr dhe Tulsi Gabbard, si dhe Vivek Ramasuamy, i cili do të drejtojë “Departamentin e Efikasitetit të Qeverisë” të Trump për uljen e kostove me Musk, ishin gjithashtu në turmë.
Trump përshëndeti me entuziazëm podkasterin dhe folësin e UFC-së, Joe Rogan. Trump përshëndeti fansat, të cilët thërrisnin “SHBA” ndërsa ai ecte drejt tetëkëndëshit, përpara se të kishte rreth vetes duartrokitje dhe të kërcente ndërsa UFC paraqiste pamjet, teksa festonte fitoren e tij zgjedhore ndaj Kamala Harris.
Jon Jones, i cili ruajti titullin e tij të peshave të rënda UFC, më pas festoi duke përshëndetur Trump, duke ia dorëzuar presidentit të zgjedhur titullin e tij. “Dua t’i bëj një falënderim të madh Presidentit Donald Trump që ishte këtu sonte”, tha Jones, duke marrë një duartrokitje të madhe miratimi nga turma.
Trump ka qenë një mbështetës i gjatë i UFC-së, duke marrë pjesë në shumë nga ngjarjet e tij live gjatë viteve. Ai zakonisht merr një mirëseardhje të ngrohtë nga fansat, megjithëse mori disa përshëndetje në një ngjarje të UFC në vitin 2019, në fund të mandatit të tij të parë si president./BBC/
