Avokati Spartak Ngjela ka komentuar përsëri marrëveshjen politike. Ai ka deklaruar se ajo nuk ishte një marrëveshje, ishte thjeshtë një imponim, kjo sepse sipas tij me barbarët nuk ka marrëveshje, ka forcë. Nuk mund të bësh negociata me njerëz që thonë “Tani është ditë, pastaj thonë: jo, është natë”, ka thënë Avokati.
”Është imponim,Nuk ka marrëveshje, për kët nuk ka surpriza. Amerikanët nuk bënë fare negociatë, ai që erdhi e vuri marrëveshjen në tavolinë dhe iku, bënë ashtu si i’a bëri Ivanovit. Me kë do bënin negociata ata? Me njerëz që thonë tani është ditë dhe më pas thonë është natë? Nuk bëhet negociatë me këta. E ka thënë Sokrati: Me barbarët nuk ka negociatë, ka forcë”, ka deklaruar Ngjela.
Ameriaka, marrëveshje bën me 5-6 shtete në Botë, sipas tij asaj i humbi durimi për shkak se kishte tre vjet që kërkonte reformën në drejtësi.
“Amerika e ndjek këtë formulë se këta nuk kanë qëndrushmëri, negociata siç mendoni ju Amerika bën me 5-6 shtete, ato të mëdhatë. Ka një interes Amerikan në Ballkanin Perëndimor për Shqiptarët dhe brënda këtij interesi ka aleancë me qeverinë Shqiptare. Palët ranë dakord me letrën që la zyrtari Amerikan. Ata nuk mund të duronin më shumë, e kanë kërkuar reformën në drejtësi për 3 vjet, në fund erdhën vunë veten e tyre dhe kaq ishte e gjitha”, deklaroi Ngjela në “Dritare me Rudina Xhungën”. (B.H/Suplaka)
