Presidenti Bujar Nishani bën deklaratën e fortë nga emisioni “Debati në Channel One” të gazetarit Roland Qafoku, lidhur me një raportim të Shërbimit Informativ Shtetëror.Sipas presidentit SHISH-i ka raportuar se në Shqipëri janë futur tonelata të farës së kanabisit.
“SHISH më ka raportuar se kohët e fundit në Shqipëri janë futur disa tonelata farë të bimës së kanabisit për tu përdorur në sezonin e mbjelljes”. Presidenti Nishani e cilësoi këtë si një alarm kombëtar dhe që duhet të ngrejë në këmbë të gjitha institucionet ligjzbatuese sidomos policinë. Sipas Nishanit këtë informacion e ka edhe policia e shtetit.
Gjatë analizës për ushtrimin e detyrës Nishani për herë të parë pranoi publikisht se ka gabuar për emërimin e disa gjyqtarëve të gjykatës së lartë dhe të disa ambasadorëve. Jam ndjerë i zhgënjyer sepse kisha pritshmëri për punën e tyre por kjo gjë nuk ka ndodhur dhe pranoj se kam gabuar në emërimin e tyre. Edhe pse gazetarit Qafoku këmbënguli për të bërë publike emrat Nishani nuk pranoi ta bënte këtë.
Nishani foli edhe për përplasjen me kryeministrin Rama. “Rreth 8 muaj më parë qeveria ka ndëprerë fondet që bashkëshortja ime në cilësinë e zonjës së parë të bënte bamirësi”, nënvizoi Nishani. “Është një akt i ulët,- tha ai,- që thjesht dëmton ata njerëz që kanë nevojë duke dhënë disa shembuj që më parë me këto bamirësi ishin shpëtuar jetë njerëzish. (V.G/SHUPLAKA)
