Zv/ministrja Nora Malaj ka reaguar lidhur me provimin e parë të Maturës Shtetërore, atë të Gjuhës së Huaj. Përkundër ankesa të maturantëve të ndryshëm në rrjetet sociale, ajo flet për monitorim të detajuar të provimit dhe ruajtje të godinës nga policia, çka e bën të pamundur rrjedhjen e informacionit. Veç kësaj, zbulon edhe një incident.
“Monitorimi i provimit u bë nga përfaqësues të ministrisë së Arsimit. Ka pasur bllokues valësh gjatë korrigjimit të testeve, e pamundur rrjedhja e informacionit për tezën e provimit. Godina ruhet 24 orë nga Policia e Shtetit. “, është shprehur ndër të tjera zv/ministrja, e cila bëri me dije se në provimin e parë të Maturës Shtetërore 2017, atë të Gjuhës së Huaj, morën pjesë 37.000 maturantë.
Malaj u shpreh se në këtë provim u identifikuan 12 maturantë me celularë, 4 prej tyre në Tiranë. Këtyre maturantëve nuk do t’u njihet rezultati i testit.
Provimi i Gjuhës së Huaj këtë vit u mbajt më 5 qershor. Gjatë këtyre ditëve, ka pasur raste të nxënësve që ankohen se në provimin e Anglishtes iu kërkua karta e partisë, kush e kishte u jepeshin ushtrimet e zgjidhura.
(XH.A/SHUPLAKA)
