Nuel Kalaj, i cili akuzohet nga Komisioni Hetimor për privatizimin e kompanisë shtetërore të energjisë, ka hedhur poshtë të gjitha akuzat e ngritura kundrejt tij. Lidhur me e-mailet e publikuara, ai është shprehur se janë të gjitha spekulime. Ndërsa për akuzat kundrejt tij, ai ka thënë në intervistën për një të përditshme se janë pjesë të fushatave politike.
Kalaj ka mohuar akuzat se ka zhvilluar takime në aeroport në zonën VIP me djalin e ish-kryeministrit apo persona të tjerë. Ai kërcënon se në rast se vazhdon fushata me publike e-mailesh dhe fjalë të hedhura në adresë të tij, nuk do të japë sqarime përpara askujt, përveç përpara kompanisë çeke CEZ.
Nuel Kalaj shprehet se është paguar vetëm nga taksapaguesit çekë, me të cilët ka bashkëpunuar. Në përgjigje të akuzave të bëra nga përfaqësuesi ligjor i OSHEE-së, Romeo Kara, Kalaj thotë se çdo lëvizje e parave është bërë sipas rregullave bankare.
“Unë nuk jam pjesë e asnjë partie politike në Shqipëri dhe nuk kam pse të bëhem pjesë e këtyre fushatave elektorale. Nuk kam qenë negociues i privatizimit, pasi CEZ ka negociuar vetë me autoritetet, pork am asistuar CEZ-in gjatë këtij procesi me një sërë shërbimesh studimesh dhe informacioni.
Të ardhurat e mia janë depozituar në rrugë bankare, tatuar, tërhequr dhe përdorur nga unë në përputhje me ligjet e shtetit shqiptar.”, është shprehur ndër të tjera Kalaj. (XH.A/SHUPLAKA)
