10 përfaqësues të rafinerisë së naftës në Ballsh janë futur në grevë urie, për shkak se nuk kanë arritur një marrëveshje me kompaninë, që ka nën shfytëzim këtë rafineri.
Pas më shumë se dy javësh në protesta, ku nuk kanë marrë asnjë zgjidhje për pagat e prapambetura, punonjësit janë futur në grevë urie, njësoj si dhe punëtorët e nënstacionit elektrik në Poçem, që kanë sot ditën e 5 të grevës së urisë.
Punëtorët e rafinerisë së Ballshit e kanë nisur grevën e urisë në ambientet e qendrës shëndetësore që gjendet në afërsi të Uzinës.
Në takim është thënë se mund të nënshkruajnë kontratë të re pune nga 1 marsi, pa njohur borxhet e prapambetura, zgjidhje kjo që nuk është pranuar nga ana e naftëtarëve.
Rafineria e Ballshit administrohet nga kompania “Tosk Energji”, ndërkohë që puna për përpunimin dhe nxjerrjen e naftës ka ndalur që në muajin Shtator të vitit të kaluar.
Discussion about this post