Nuk i zgjidhi hallin, godet me sende të forta punonjësin e ALUIZNI-t (DETAJE)

Një qytetar në Elbasan është vënë në prangat e policisë pas dhunës të ushtruar ndaj një 60-vjeçari, punonjës i ALUIZNI-t.

Është ndaluar shtetasi Agim Islami, 51 vjeç, banues në Elbasan, i cili akuzohet se ka qëlluar me mjete të forta punonjësin pasi ky nuk i zgjidhi një çështje pronësie.

“Ndalimi i tij u bë pasi, për shkak të detyrës dyshohet të ketë goditur me sende të forta punonjësin e Drejtorisë Rajonale të Aluizmit në Elbasan, shtetasin M.Ç, 60 vjeç banues në Elbasan.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Goditjet për shkak të detyrës”.”, citohet ndër të tjera në njoftimin e Policisë së Elbasanit.

(XH.A/SHUPLAKA)