Një atentat me armë zjarri i ka marrë jetën mbrëmjen e djeshme në zonën e ish-Bllokut shtetasit Memli Begalla, që rezulton të jetë një biznesmen.
64-vjeçari Begalla është gjetur nga policia i shtrirë në mes të rrugës pasi kishte ndërruar jetë. Viktima është biznemen dhe e ka shtrirë biznesin e tij në një sërë fushash. Ai kishte një biznes edhe në qendër të Tiranës.
Biznesmeni është qëlluar me plumb në kokë me armë me silensjator. Dyshimet e para nga ana e Policisë janë se Begalla mund të jetë vrarë për shkak të borxheve që ai mund të ketë pasur. Po ashtu para tre vitesh Begallës i është djegur mjeti.
Një tjetër pistë ku po heton Policia është dhe ajo e një precedent penal që Begalla ka pasur në shtetin italian.
Memli Begalla para se të ndryshonte emrin nga Afrim Begalla rezulton të jetë i arrestuar në vitin 2009 në Itali për marrjen me forcë të vajzës së tij, bëjnë të ditur mediat italiane.
Aso kohe, me 11 dhjetor të 2009 ai së bashku me djalin e detyruan vajzën të ngjitej në makinë dhe e morën me vete.
“Pasi i kishte thënë prerë se “nuk do martohesh me kosovar”, dy qytetarë shqiptarë, babai dhe vëllai i 27-vjeçares që pritej të bëhej nuse, e kanë detyruar me forcë që të hipë në makinë dhe nga një qytet i papërcaktuar në Zvicër mbërritën në Bari për të shkuar në Shqipëri”- shkruan media italine.
Sipas saj, në port per ta kishte mbërritur kërkesa ndërkombëtare e arrestit nga autoritetet zvicerane. Te dy u derguan ne nje burg ne Bari, kurse vajza u nis për në Zvicër.
Sipas gazetes ndaj Afrim Begallës, aso kohe 56 vjeç dhe të të birit Lili, 29 vjeç u ngriten akuza e rrëmbimit të personit dhe heqjes së lirisë.
(E.K/FAXWEB)
