Pas një profili të “Washington Post” për gruan e zëvendëspresidentit amerikan Mike Pence, Karen Pence, kanë plasur gallatat në rrjetet sociale.
Kjo për shkak se Karen ka treguar për gazetarët, se zëvensëspresidenti nuk ulej kurrë në tavolinë me ndonjë femër tjetër, në rast se në tavolinë nuk ishte as ajo. Madje as nëse në tavolinë shërbehej alkol.
Në fakt edhe vetë Mike Pence, e ka bërë një deklaratë të tillë që në vitin 2002 për :“The Hill” kur tha se:“Nëse ka alkol dhe njerëzit po e humbin, unë dua që zeshkanja më e bukur të jetë pranë meje”.
Mirëpo kjo deklaratë ka shkaktuar zemërim te shumë amerikanë, të cilët e kanë konsideruar si një sjellje të dalë mode. Megjithatë një sondazh i New York Times, zhbilon se më shumë se gjysma e grave amerikane janë dakord me këtë veprim të Pence. Mirëpo e habitshme është se edhe 45% e meshkujve rezultojnë të jenë dakord.
Mirëpo përsa i përket çështjes së të pirit, Pence duket se nuk ka një mbështetje po aq të madhe si me të parën. Madje vetëm 26% e femrave janë dakord me këtë.
Megjithatë një tjetër studim i kryer nga “Morning Consult”, duke analizuar 3.500 njerëz, zbuloi se sa më liberal kanë qenë të anketuarit, aq më e papërshtatshe është gjykuar deklarata e tij. 62% e republikanëve e quajtën të pranueshme, ndërsa demokratët 71% e tyre. (D.D/Shuplaka)
