Zyra e Të Drejtave të Njeriut në Organizatën e Kombeve të Bashkuara i bën thirrje autoriteteve shqiptare që të dëmshpërblejnë familjet e rreth 6,000personave të zhdukur gjatë regjimit komunist.
Houria Es-Slami, drejtuese e grupit për personat e zhdukur, e cila i dha fund një vizitë një-javore në vendin tonë, u shpreh se Shqipëria ka nevojë për të “kthyer faqen e dhimbshme të së kaluarës.”
“Të gjitha viktimat, të zhdukurit dhe të afërmit e tyre kanë të drejtën e dëmshpërblimit të plotë, e cila përfshin kompensim, kthimin, rehabilitimin dhe garancitë për mospërsëritje,” thuhet në raportin paraprak, përcjell Asocciated Press.
Gjatë regjimit komunist, nga viti 1944 deri në 1990, rreth 6,000 njerëz janë vrarë, 34.000 janë burgosur dhe më shumë se 50.000 u dërguan në kampet e internimit.
“Asnjë rast i zhdukjes me forcë të kryera gjatë këtyre viteve nuk ka mbërritur ndonjëherë në gjykatat shqiptare”, thuhet në raport e OKB-së. Kjo, sipas saj, ka ndodhur për shkak të mungesës së iniciativës nga prokurorët, mungesës së informacionit nga familjarët dhe mosbesimi te institucionet.
Zyrtarët e OKB-së thonë se, Shqipëria, e cila ka ratifikuar një konventë ndërkombëtare për të zhdukurit në vitin 2007, duhet “të marrë një qasje më gjithëpërfshirëse” për t’iu dhënë viktimave dhe familjeve të tyre të drejtën për të vërtetën, drejtësinë, riparimin dhe kujtesës.
Qeveritë post-komuniste të Shqipërisë nuk ka sponsorizuar ndonjë memorial të tyre pavarësisht nga ekzistencës së disa kampeve të punës, burgjeve dhe të paktën 29 vendeku janë gjetur disa eshtra.
Vetëm muajin e kaluar, qeveria hapi një ish-bunker top-sekret bërthamor si një muze për të treguar se si policia e epokës komuniste persekutonte kundërshtarët e regjimit.
“Viktimat apo familjet e tyre duhet të shkojnë të paktën në pesë institucione publike për të kërkuar dëmshpërblimin”, thonë ekspertët e OKB-së.
Ekspertët e OKB-së rekomandojnë “një debat kombëtar publik mbi trashëgiminë e së kaluarës komuniste dhe si të tejkalohen në mënyrë kolektive pasojat e tij të dhimbshme”. /Shuplaka.com/
Discussion about this post