Një alarm i rremë ka ngritur në këmbë kryeqytetin e Italisë mbrëmjen e sotme teksa gazetarët e La Republica-s që ndodheshin në ambientet e punës ku edhe u raportua se ndhej bomba shpërthyese dolën në mes të rrugëve të tmerruar.
Ngjarja ka ndodhur rreth orës 19:45 të mbrëmjes dhe për pasojë ndërtesa u evakuua, duke bërë që gazetarët të dalin në rrugë për rreth një orë.
Alarmi doli pasi mbërriti një telefonatë anonime. Gazetarët e bënë njoftimin përmes faqeve sociale të gazetës dhe ishin në gjendje të ktheheshin në zyrë vetëm pasi u qartësua gjithçka.
Alarmi i bombës në selinë e gazetës “La Repubblica” e cila ndodhet në rrugën Cristoforo Colombo në Romë shaktoi panic dhe konfuzion tek stafi por edhe tek qytetarët.
Faqja e Tg Zero, programi i Radio Capital, ka publikuar një video live, në të cilën njerëzit janë parë jashtë ndërtesës: “Ne kemi ndaluar transmetimin, të gjithë kolegët tanë janë këtu”, sqarojnë dy prezantuesit, Edoardo Buffoni dhe Michela Murgia, për t’ua shpjeguar dëgjuesve situatën.
Discussion about this post