Paloka në Fax News: Qëllimi ynë ishte pjesëmarrja, mesazhi ishte i qartë, hapi tjetër është mosbindja civile

Deputeti i PD-së, Edi Paloka, i ftuar në studion e lajmeve në Fax News, ka folur për protestën e organizuar sot nga opozita.

Paloka tha se protesta është mesazhi më i qartë se këtë qeveri nuk e duan më shqiptarët.

Paloka shtoi se qëllimi ishte që pjesëmarrja të ishte masive.

“Protesta, qëllimi ishte pjesëmarrja masive. Ata njerëz që ishin në protestë janë mesazhi më i qartë. Kjo ishte protesta më e madhe e këtij lloji. Rama kuptoi se shumica e shqiptarëve janë kundër tij. Qëllimi kryesor ishte të tregonim  se shqiptarët janë kundër kësaj qeverie. S’mund të ketë më dyshime se Ramën nuk e do askush. Hapi i radhës mosbindja civile, që ka forma të ndryshme.

Shqiptarët i treguan Ramës se është koha të largohet. Ne nuk do të ndalemi, kjo ishte këmbana e parë. Sot, sapo ka filluar lëvizja për të larguar Ramën.

Qëllimi ynë kryesor ishte pjesëmarrja. Qytetarët kërkonin të kalonin në hap tjetër, por askush nga ne nuk do destabilizim, por sigurisht gjërat vihen në balancë. Me këtë qeveri gjërat nuk mund të vazhdojnë. Më mirë një fund me tmerr sesa një tmerr pafund, ”-tha Paloka  në studion e lajmeve në Fax Neës.

(F.G/Faxweb)