Ish-ministri i Bujqësisë Edmond Panariti i ftuar në ‘’Fax news” foli në lidhje me përmbytjet në vend. Ai tha se uji nuk është për të bërë poltikë, edhe pse e pranoi se mund të kishte masa parandaluese.
Panariti theksoi se duhet ti jepet fund politikës për të gjetur fajtorët e momentit dhe nga nesër në pralament të diskutohet për një zgjidhje afatgjatë për këto zona. Po ashtu deputeti i LSI-së u shpreh se problemet klimaterike kanë dhënë efektin e vetë edhe në kushtet e motit në vendin tonë,
“Kjo tregon se klimatologjia jonë është në ndryshim. Ajo që flitej për klimën ka ndodhur. Sasia e rreshjeve që ka rënë në këto katër ditë është e ngjashme me atë që binte vite më parë për gjysmë viti. Argjinaturat nuk janë bërë gati për të përballuar këtë situatë.
Unë nuk ardhur këtu që të bëj politikë me ujin, nuk është as një problem i pozitës dhe as i opozitës. Është një problem kombëtar që është ndikuar shumë edhe nga ndërtimet pa leje, nga banesa që janë në rrezik konstant dhe me përmbytjen më të parë ato përmbyten.
Pashë një djalë që i thoshte me lot në sy ministrit të Brendshëm se ishte i përmbytur prej shtatë herësh. Kjo e ka një arsye. Ka pasur një sërë investimeshm, jo me paratë e qeverisë po me paratë e Bankës Botërore.
Unë shpresoj që edhe nesër kur të diskutojmë në Kuvend duhet të gjejmë gjuhën e përbashkët për strategjinë që do të ndjekim për ti përballuar këto rrethana. Duhet të presim që situata të përmirësohet sepse edhe tani në momentet që flasim ishte duke rënë shi me gjuma. Të mos spekulojmë pot ë evidentojmë të gjitha dëmet.
Fillimisht mbaj mend në 2015-tën që u futëm me shpejtësi për të shpërndarë ndihma, ushqime bazë dhe natyrisht dhe ujë të pijshëm.
Po ashtu duhet që ata njerëz të ndihmohen me ushqime për bagëtinë, pasi vetëm në këtë rast duket roli i shtetit social. Nëse këta banorë përmbyten hera herës, duhet që ti jepet një zgjidhje përfundimtare problemit duke i larguar këta banorë njëherë e mirë nga zonat ku janë. Bëhet një faturë dhe zgjidhet problemi në mënyrë rrënjësore. Po po të bësh llogarinë më pak shpenzime do të ketë me transportin e këtyre njerëzve dhe sistemimin në një zonë tjetër.
Nesër parlament të mos diskutojmë me termat ti je shkaktari, ti je arsyeja, po të themi kjo është rruga kjo është zgjidhja. Nga nesër duhet të shkojnë në terren edhe grupet e veterinerëve në mënyrë që të shmangim ndonjë epidemi të mundshme”, u shpreh Panariti.
(E.K/FAXWEB)
