Katër persona kanë mbetur të plagosur në Dublin të Irlandës, për shkak të një sulmi me thikë në kryeqytet.
Mediat vendase raportojnë se një person doli në rrugë këtë të diel dhe u shkonte nga pas me thikë kalimtarëve rastësorë, duke shkaktuar panik dhe kaos në qytet.
Për pasojë katër qytetarët mbetën të plagosur. Ndërkohë që mësohet se autori i dyshuar i sulmit me thikë ka rënë në prangat e policisë.
Policia irlandeze e quajti sulmin si një “incident të rëndë”. Nuk dihen ende motivet që e çuan autorin në këtë akt.
