Trajneri i Partizanit Sulejman Starova është shprehur se Partizani ka bërë një kampionat fantastik dhe se e ka merituar titullin por ajo që e ka penguar të të fitotë titullin kanë qenë faktorët e jashtëm, sipas tij arbitrat dhe Federata kanë qenë kundër Partizanit këtë vit.
“E kemi pësuar nga arbitrat, që kanë punuar nën rrogoz, si dhe nga Federata që ka dalë hapur kundër nesh. Jemi skuadra më e mirë, e përsëris, por faktorët e jashtëm nuk na lejuan të dalim kampion, falenderoj djemtë për superndeshjen që luajtën”, deklaroi ai.
Starova deklaroi se skuadra e tij ndihet e vjedhur. Ai takoi drejt përdrejt Presidentin e Federatës, Armando Duka, i cili sipas tij e ka marrë inat skuadrën e Partizani që pas letrës që kishte shkuar Erjon Braçe, ku e akuzonte për shkatërrimin e futbollit shqiptar.
“Ndihemi të vjedhur, kaq di të them. Presidenti Duka na ka marrë inat, mendon se qëndrojmë ne pas letrës së Erjon Braçes, gjë që nuk është e vërtetë”, tha ai. Kur kanë ngelur dhe dy ndeshje nga kampionati Partizani ndodhet 4 pikë larg vendit të parë, Kukësit. (B.H/Shuplaka)
