Pas deputetes së PD-së Majlinda Bregu, për gjetjen e marrëveshjes mes forcave politike ka reaguar dhe deputeti tjetër Eduart Selami.
Në një postim të shkurtër në ‘’Twitter’’ ai ka falenderuar SHBA-të dhe BE-në për ndihmën e ofruar.
‘’Dite e mirë për Shqipërine dhe shqiptarët! Faleminderit BE! Faleminderit SHBA!’’, shkruan Selami.
Nga ana tjetër Bregu reagoi po shkurt duke u shprehur se buzëqeshja është hakmarrja më e mirë.
Kujtojmë se Bregu dhe Selami janë dy nga deputetët që së bashku me Jozefina Topallin i kërkuan kreut të opozitës Basha të hiqte dorë nga bojkoti dhe të bëhej pjesë e zgjedhjeve.
Pas konfirmimit që PD-ja do të shkojë në zgjedhje mbetet për tu parë nëse këta të tre do të jenë sërish pjesë e listave për deputetë.
Nga ana tjetër prej më shumë se dy orësh, ditën e sotme ka nisur një tjetër takim mes Ramës dhe Bashës, për të vendosur në lidhje me teknikalitetet e marrëveshjes. Ata shoqëroheshin nga Oerd Bylykbashi dhe Ëngjëll Agaçi.
(E.K/SHUPLAKA)
