Pas miratimit të ligjit për gjuhën shqipe, Maqedonia nderon edhe heroin tonë Kombëtar

Shteti i Maqedonisë ka nderuar heroin tonë kombëtar Gjergj Kastrioti Skënderbeun me rastin e 550 vjetorit të vdekjes së tij.

Posta e Maqedonisë për të nderuar 550 vjetorin e vdekjes së heroit tonë Kombëtar ka emërtuar një pullë të re postare e cila mban emrin dhe foton e Skënderbeut.

 Ambasadori shqiptar në Maqedoni, Fatos Reka ka njoftuar lajmin përmes një postimi në Twitter.

“Posta e Maqedonisë ka emërtuar sot pullën postare për të nderuar 550 vjetorin e vdekjes së heroit kombëtar shqiptar Gjergji Kastrioti Skënderbeu.” ka shkruar ambasadori Reka. (M.Q/Faxweb)