Gazetari i njohur Agim Xhafka ironizon vizitën e sotme të kryeministrit Edi Rama në Fier, në familjen e Shahin Bashës. Vizitë kjo e cila u përfol shumë në media, për shkak se ndërkohë që Rama fliste për rritje dhe zhvillim ekonomik të vendit, në sfond prapa kurrizit të tij binte në sy një bufe e kohës së periudhës komuniste.
“Pasi u boshatis shtëpia i zoti pa se i ngeli veç divani dhe bufeja e Enverit. Edhe laramanja në plevicë bashkë me tre gjelat e detit. U rehatua dhe vuri festen shtrembër. Të paktën u nderua para botës. E pa në tv që kishte bërë goxha pritje e gosti. Ia dola,tha dhe mori lopën për dore e doli në livadh. Te hante diçka dhe ajo murga…”, reagon Xhafka.
REAGIMI I PLOTË I XHAFKËS
Ju kujtohen karriket që kemi pasur në shtëpi para ca vitesh? Nga poshtë u shkruanim emrat,Llazi,Gaqo,Leta,Razo,Vasili… Që të mos na ngatërroheshin kur ua jepnim fqinjëve për gëzimet a vakitë e tyre.
Dhe sot në atë fshat të Fierit,ku drekoi kryeministri ynë,pasi ai u largua,u dyndën komshijtë. Përmbysnin kolltukët,lexonin emrat Loni,Lipe,Fori dhe i ngarkonin në dumdumet e fshatit. Kështu dhe me gotat,pjatat,lulet artificiale,udhët e korridoreve,tapetet dhe deri tek dy pupet sa hyn tek dera. Ndërsa ushqimin e kishin sjellë ata të qeverisë. Edhe verën e rakinë.
Pasi u boshatis shtëpia i zoti pa se i ngeli veç divani dhe bufeja e Enverit. Edhe laramanja në plevicë bashkë me tre gjelat e detit. U rehatua dhe vuri festen shtrembër. Të paktën u nderua para botës. E pa në tv që kishte bërë goxha pritje e gosti. Ia dola,tha dhe mori lopën për dore e doli në livadh. Te hante diçka dhe ajo murga… (D.D/Shuplaka)
Discussion about this post