Ish-kryeministri i vendit, Sali Berisha prezantoi ditën e sotme kandidatin për bashkinë e Vau-t të Dejës, Zef Hilën.
Gjatë fjalës së tij Berisha tha se kandidati Zef Hila do bëjë gjithçka për ndryshim rrënjës të gjendjes në këtë bashki. Berisha gjithashtu u ndal të fliste për fatin në të cilën janë lënë fermerët sot. Ai nuk i ndali akuzat ndaj kryeministrit Rama, ku u shpreh se po mban peng portin e Durrësit me 5 miliad euro.
Berisha: Ata vjedhin, dhe vetëm vjedhin. Edi Rama mban peng Portin e Durrsit me 5 miliard euro, edhe ky do të bëhet miliarder si arabi, çfarë ndodh me të gjitha këto? Pasuritë që janë për ju shëndërrohen në mallkim për ju. Njerëzit largohen se nuk kanë shpresë më në këtë vend. Ju jeni njerëz punëtor, shumë punëtor.. me shumë vështirësi sepse jeni të braktisur nga qeverisja vendore dhe shteti. Nuk ka vend që fermeri humbet me subvencionimin, sepse fiton shteti edhe fermeri. Fermerët shqiptar e kishin 5.1 miliard suvencionimin dhe tani e kanë zbritur në 3,7 miliard nga të cilat vidhët për naftë dhe të tjera. Këta i braktisën fermerët, dhe investimet e shkëlqyera që kanë bërë, nuk mundet të vazhdojmë kështu. Kemi toleruar shumë vite. Është koha të bashkohemi, dua t’ju falënderoj për mbështetjen tuaj, por dua ti them dy fjalë kandidatëve te tjerë, të dy jeni kandidatë të Tom Doshit. PS ia ka dhënë Tomës kandidatin me koncesion. Është e pafalshme në një moment historik për vendin, moment kritik për demokracinë shqiptare që një demokrat të çojë ujë në mullirin e Edi Ramës dhe të bëhet patericë e atij regjimi që po shkatërron Shqipërinë çdo ditë.
Discussion about this post