Edhe pse i impenjuar maksimalisht për ndeshjen e nesërme ndaj Sant Hulias, e vlefshme për kualifikueset e Europa League Skënderbeu nuk ka larguar vëmendjen nga merkatoja.
Sipas “Panorama Sport” ditën e djeshme, klubi korçar është shumë pranë akordit me sulmuesin e Kievos, Ali Sou. 23 vjeçari pritet të bashkohet me skuadrën e Skënderbeut në formën e huazimit nga skuadra italiane. Duket se palët kanë gjetur gjuhën e përbashkët për këtë marrëveshje dhe shumë shpejt pritet zyrtarizimi.
Lojtari i cili është me origjinë nga Afrika (Gambia) ka luajtur më parë në kategorinë e dytë italiane me skuadra si Juve Stabia, Peskara, Latina, Modena, Leçe, Prata dhe së fundmi Viboneses.
Sezonin e kaluar u aktivizua te skuadra e Viboneses në Serinë C, ku në 18 takime arriti të realizonte 6 gola. (B.H/Shuplaka)
