“PD të mos mbajë peng veten dhe vendin”, dita më e mirë sipas Paskal Milos për nisjen e dialogut

Kryetari i Partisë Demokracia Sociale, Paskal Milo, këshilloi që Partia Demokratike të tërhiqet nga qeveria teknike dhe partitë politike të nisin punën për nisjen e dialogut për daljen nga kjo krizë.

I ftuar në emisionin “Top Story”, ai i bëri thirrje Partisë Demokratike që “të mos mbajë peng veten në çadër dhe as peng vendin me kërkesën për qeveri teknike”. Ai shprehu bindjen se nëse do të ktheheshin pas në kohë, PD nuk do ta bënte këtë kërkesë.

Si një mundësi më të mirë për nisjen e dialogut, Paskal Milo sheh të martën: “Të gjitha përpjekjet duhen përqendruar si të gjendet një zgjidhje konsensuale. Shpresoj që ditën e martë, kur të mbërrijë në Tiranë i dërguari i PPE të mund të fillojë ajo fazë negocimi që mund të çojë në një zgjidhje sa më të shpejtë që procesi të normalizohet.”

(XH.A/SHUPLAKA)