Gjykata e Apelit në Itali, i ka shtuar vitet e dënimit një shqiptari nga 1 në 6 vite burg. Ky është dënimi maksimal për shqiptarin, e akuzuar për abuzim seksual.
Mediat italiane shkruajnë se shqiptarin e ka kallëzuar penalisht ish-partnerja e tij, që e ka përdhunuar në sy të fëmijës të tyre në një hotel luksoz në Trento.
Përveç 6 viteve burg, shqiptari duhet të paguajë edhe një shumë prej 20 mijë eurosh gjobë.
Çifti ishte ndarë për shkak të keqtrajtimit që gruaja kishte pësuar nga shqiptari e për pasojë kishte kërkuar ndihmë.
Megjithatë, ata kishin një fëmijë dhe kishin rënë dakord të takoheshin në mënyrë që babai të shihte të birin.
Mirëpo, në një nga takimet, shqiptari e ka ndjekur ish-partneren dhe duke e kërcënuar me thikë e ka detyruar të kryejnë marrëdhënie. Sipas mediave italiane, në ato moment, gruaja e cila ishte e shoqëruar edhe me fëmijën, është detyruar të shkojë në hotelin luksoz, madje edhe të kryejë pagesën e hotelit. Për të mos traumatizuar fëmijën, gruaja shprehet se ka pranuar t’i bëjë të gjitha këto. (D.D/Shuplaka)
Discussion about this post