Një 26-vjeçar nga Durrësi është arrestuar mbrëmjen e djeshme. Kjo për shkak se rreth orës 23:00 me mjetin e tij furgon ka përplasur në Lushnje një 64-vjeçar që ishte duke udhëtuar me biçikletë.
Personi i aksidentuar gjendet në spitalin e Traumës nën kujdesin e mjekëve.
DETAJET:
Specialistët e Sektorit të Qarkullimit Rrugor, arrestuan në flagrancë shtetasin:
-Donaldo Karreçi, 26 vjeç, banues në fshatin Maminas, Durrës. Arrestimi i këtij shtetasi u bë pasi në datën 30.09.2017, rreth orës 23:10, në aksin rrugor Fier-Lushnje, në vëndin e quajtur “Gorre” duke drejtuar mjetin tip furgon, me targa AA 887 OA, ka aksidentuar shtetasin që lëvizte me biçikletë, P.P 64 vjeç, banues në fshatin Lumth, Lushnje.
Shtetasi P.P ndodhet nën kujdesin e mjekëve në Spitalin e Traumës Tiranë. Materialet i kaluan Prokurorisë pranë Gjykatës së Shkallës së Parë Lushnje për veprën penale “Shkelje e rregullave të qarkullimit Rrugor” parashikuar nga Neni 290 i Kodit Penal.
(E.K/SHUPLAKA)
Discussion about this post