Një kamion është ndaluar ditën e sotme në pikën kufitare të Kapshticës. Burime për “Shuplaka” bëjnë të ditur se mjeti është ndaluar pas dyshimeve për trafik të lëndëve narkotike.
Mësohet se gjatë kontrollit të ushtruar, janë gjetur dhe sekuestruar 100 kilogramë lëndë narkotike e llojit “Cannabis sativa”. Sasia e madhe e drogës u gjet e fshehur në tubat e pjesës mbuluese të mjetit.
Kamioni me targa Tirane kishte si destinacion Turqinë. Është vënë në pranga drejtuesi i mjetit, identiteti i të cilit nuk dihet ende. Mësohet se kanë nisur hetimet për zbardhjen e plotë të këtij trafiku lëndësh narkotike.
(XH.A/SHUPLAKA)
