Po lahej në det me të bijën, humb jetën 26-vjeçarja shqiptare

Një 26 vjeçare shqiptare, është mbytur në det ditën e sotme në Itali, teksa ka qenë duke u larë së bashku me të bijën.

Mediat raportojnë se ngjarja ndodhi rreth orës 11:30 të ditës së sotme në Metaponto Lido.

E reja shqiptare, identiteti i të cilës endë nuk është bërë i ditur, kishte shkuar në plazh me vajzën e saj 6-vjeçare.

Sipas dëshmitarëve okularë, ajo ishte së bashku me të bijën duke u larë në det, teksa në një moment kërkoi ndihmën e rojeve të plazhit, të cilët ndërhynë duke i nxjerrë në breg, ku iu dha ndihma e parë.

Më pas nënë e bijë u transportuan për në Spitalin San Carlo të Potenza-s.

Fatkeqësisht 26-vjeçarja ndërroi jetë, pavarësisht ndërhyrjes së mjekëve dhe përdorimit të defibrilatorëve, ndërsa vajza e vogël ndodhet jashtë rrezikut për jetën.