Një qytetar ka humbur jetën sot në Vlorë si pasojë e përplasjes në rrugë teksa ishte duke lëvizur me biçikletë.
Ai u përplas nga një automjet betoniere, e cila mësohet se ishte nisur në drejtim të “Ujit të Ftohtë”.
Ende nuk dihet identiteti i viktimës, ndërkohë që është shoqëruar në polici drejtuesi i betonieres, shtetasi me iniciale B. H. 67 vjeç.
Detaje të Policisë së Vlorës:
Rreth orës 13:38, ka ndodhur një aksident me pasojë vdekje, në Vlorë. Aksidenti i rëndë ka ndodhur në qendër të qytetit pranë rrethrrotullimit të skelës, ku një automjet tip “Betoniere Iveko” me targë VL 3586 C, me drejtues shtetasin B.H., rreth 56 vjeç, ka aksidentuar një person i cili po qarkullonte me biçikletë. Për pasojë shtetasi i dëmtuar ka ndërruar jetë në vend. Policia ka shoqëruar drejtuesin e mjetit “Iveko” shtetasin B.H., me të cilin po punohet për sqarimin e rrethanave të ngjarjes. Grupi hetimor ndodhet në vendngjarje duke kryer veprimet e mëtejshme për zbulimin e shkaqeve të aksidentit.
