Teksa po mbahet seanca kundër grupit Bajri, Behar dhe Safet Bajri kanë hedhur akuza në drejtim të prokurorit Andon Martinaj. Ata kanë deklaruar se po mbahen padrejtësisht në burg, dhe asnjë prej akuzave në drejtim të tyre nuk qendron.
“Jane akuza të sajuara, mos na mbani pa të drejtë. Duan të na mbajnë në burg me çdo kusht, gjithçka e kemi nga Anton Martini”, janë shprehur në seancë Safet dhe Behar Bajri.
Anton Martini ka qenë drejtues i Prokurorisë së Shkodrës para disa viteve.
Kujtojmë se dje u pushua masa e sigurisë për Bajrat, pasi mbaheshin të arrestuar që prej shtatorit të 2018-tës, dhe i mbaronte afati i paraburgimit.
Por me përgjimet e reja mbi ta pritet që të ngrihen akuza të reja, çka do të bënte që të mbaheshin në burg, dhe të mos liroheshin për shkaqe procedurash.
Akuzat që rëndojnë mbi grupin Bajri:
Behar Brajoviq (Bajri), akuza; ushtrim i ndikimit të paligjshëm ndaj personave që ushtrojnë funksione publike, kryer në kuadër të grupit të strukturuar kriminal.
Safet Rustemi, akuza; shtrëngim me anë të kanosjes ose dhunës për dhënien e pasurisë, kryer në kuadër të grupit të strukturuar kriminal.
Ilir Rustemi, akuza; shtrëngim me anë të kanosjes ose dhunës për dhënien e pasurisë, kryer në kuadër të grupit të strukturuar kriminal.
Asmer Bilali, akuza; prodhim dhe shitje e narkotikëve, në kuadër të grupit të strukturuar kriminal.
Ismet Idrizi, akuza; shtrëngim me anë të kanosjes ose dhunës për dhënien e pasurisë, kryer në kuadër të grupit të strukturuar kriminal.
Jorida Murati, akuza; vjedhje duke shpërdoruar detyrën, kryer në kuadër të grupit të strukturuar kriminal.
Me masë “Arrest shtëpie”
Senad Halluni, shef shërbimesh te materniteti pranë Spitalit Rajonal në Shkodër. Akuza; shpërdorim i detyrës, kryer në bashkëpunim.
Florine Hoxha, kryeinfermiere pranë repartit obstetrik në maternitet Shkodër. Akuza; shpërdorim i detyrës, kryer në bashkëpunim.
Mira Nikaj, përgjegjëse finance në Spitalin Rajonal Shkodër. Akuza; shpërdorim i detyrës, kryer në bashkëpunim.
Në kërkim
Sirjan Alija akuza; ushtrim i ndikimit të paligjshëm ndaj personave që ushtrajnë funksione publike, kryer në kuadër të grupit të strukturuar kriminal.
