Po transportonte 7 kilogramë drogë, shqiptari në Itali arrestohet në flagrancë

Policia italiane ka arrestuar në flagrancë një emigrant shqiptar i cili kishte fshehur 7 kilogramë drogë në automjetin e tij tip “Audin A4”.

40-vjeçari shqiptar i cili jetonte prej vitesh në Itali, ishte furnizuar me drogë në Milano, por u ndalua nga karabinierët në autostradën e Viareggio-s, në Toscana.

Në momentin kur u ndalua nga policia, 40-vjeçari shfaqi shenja nervozizmi, gjë që ngjall dyshimet se fshihte diçka.

Pas kontrollit të policisë, në makinë u gjet sasia e lëndës narkotike e cila sipas mediave italiane, shkon në vlerën e 80 mijë eurove.

Gjykata e Lucca-s ka dhënë masën e dënimit “arrest shtëpie” për shqiptarin e akuzuar, të cilit pritet ti revokohet edhe leja e qëndrimit në Itali.