Prokuroria e Krimeve të Rënda ka nisur hetimin pasuror për 6 personat e arrestuar sit ë dyshuar për grabitjen e ndodhur në 9 Prill në Rinas.
Kështu do të kalojë në sitë pasuria e Ragip Hajdinit, Elton Piklit, Alkond Bengasit, Renaldo Sulajt, Oltjan Veselit dhe Saimir Çelës.
Nga grabitja ku pjesë ishte dhe Admir Murataj u morën 4.6 milionë euro. Krimet e rënda kanë siguruar informacion se disa prej të arrestuarve dhe familjarëve të tyre disponojnë automjete, llogari bankare dhe prona te paluajtshme të cilat do të verifikohen.
Po ashtu i është bërë kërkesë për informacione mbi orgjinën e pasurive dhe bankave, hipotekës dhe drejtorisë së transportit rrugor.
Aktualisht hetimet për këtë dosje janë të hapura, dhe dy persona janë ende në kërkim nga policia, mes tyre dhe i dyshuari kryesor Klement Çala, me origjinë nga Elbasani.
Pavarësisht arrestimeve nuk është arritur të zbulohet asnjë qindarkë e parave të grabitura, një ngjarje që shkaktoi mjaft polemika në media, për rënien e sigurisë, dhe lehtësisë me të cilën vepron krimi.
(E.K/Faxweb.al)
