Vetëm pak ditë më parë, Fabjana Hoxha ishte e ftuar në emisionin “Zonë e lirë”, ku promovoi këngën e saj të parë dhe deklaroi kështu futjen e saj në tregun muzikor.
Vetë Fabjana e ka pohuar se ka jetuar në Itali por nuk ka thënë asnjëherë arsyen e vërtetë.
Fabjana Hoxha është arrestuar në itali për shfrytëzim prostitucioni. Mjafton të futësh emrin e Fabjanës në Google dhe do të njiheni me materialet e mediave italiane, madje dhe me fotot e “këngëtares”, gjatë arrestimit.
Në videon e policisë italiane, thuhet: “Hetimi nisi më 16 qershor të vitit 2014 pas një sherri mes prostitutave, i cili përfundoi me njërën prej tyre të plagosur me thikë në kofshë. Hetuesit në vijim kanë krijuar skenën e krimit mes të lënduarave dhe një bande të drejtuar nga shqiptarët që ushtronin aktivitetin e tyre në qytet.
Bëhet fjalë për Fabiana Hoxhën, 21 vjeçe, emigrante e jashtëligjshme dhe 23 vjeçarin Florian Prini, me dokumente të rregullta në Itali, por me precedentë të mëparshëm penalë për favorizim dhe shfrytëzim prostitucioni.
Floriani dhe Fabjana kërkonin dhe u vinin gjoba prostitutave që ushtronin aktivitetin në shëtitoren e qytetit. Merrnin të paktën 50 euro në ditë nga të gjitha vajzat prostituta.
Sherri, nga i cili nisi i gjithë hetimi, filloi pikërisht për shkak të një debati mes çiftit shfrytëzues dhe një prej prostitutave, e cila nuk kishte pranuar të paguante taksën”.
(F.M/Faxweb)
Discussion about this post