Qytetarët kanë dalë për të protestuar për tarifën e vendosur nga qeveria për “Rrugën e Kombit”.
Prej më shumë se katër orësh ata ndodhen në traun e kalimit të kufirit.
Mirëpo protesta ka avancuar më tej duke kaluar në dhunë fizike mes efektivëve dhe qytetarëve.
Gazetarja e Fax News, Klaudia Karabolli raporton nga Kukësi se 12 efektivë policie janë në të dëmtuar dhe njëri prej tyre është në gjendje të rëndë.
Protestuesit kërkojnë që një përfaqësues nga qeveria të shkojë pranë tyre dhe të jepet garancia se tarifa e vendosur nga qeveria për kalimin në këtë rrugë do hiqet.
“Nuk do lejojmë drejtuesit e mjeteve të kalojnë. Jemi të gatshëm të kemi një marrëveshje për heqjen e tarifës. Nuk e dimë sa do të zgjasë protesta. Duhet të vijë qeveria këtu,”- shprehen ata për Fax News.
(F.M/Faxweb)
https://www.youtube.com/watch?v=CkQ6F9ia1m4&feature=youtu.be
